«Үсті-басы қан жоса болған әйел көшеден өтіп бара жатқандарға пышақ сермеп, қорқытып жүр. Қазір Хан-Тенгри дүкенінің жанында бізге жақындап, пышақ сермеп кетті. Абай болыңыздар!», — деген 4-сынып оқушысының аудиохабарламасы №5 мектептің ортақ чатына жолданған.
Полиция басқармасына Юлия есімді мектеп мұғалімі жедел хабар берген.
«Қоғамға қауіпті қылық жасаған әйел ұсталды. Тергеп-тексеру амалдары басталды. Әзірге басқа ешқандай ақпарат бере алмаймыз. Абырой болғанда, әйел ешкімді жарақаттамаған, зардап шеккендер жоқ», — дейді жергілікті полиция бөлімінің бастығы Рашид Нұрмамбетов.
Оқиғаның мән-жайын тексеру шаралары аяқталған соң жазамыз.
