Кеше сағат түскі екілерге таман аудандық Төтенше жағдайлар бөліміне Қаскелеңдегі Өміралиев 51 көшесінде орналасқан азаматтардың хал актілерін жазу (АХАЖ) және аудандық сәулет және қала құрылысы бөлімдері отырған ғимараттан өрт шыққандығы туралы хабарлама келіп түскен, деп хабарлайды alataunews.kz ақпарат агенттігі naqty.kz желілік басылымына сілтеме жасап.
Оқиға орнына 3 техника мен 13 өрт сөндірушілер жіберілген. Тағы қосымша көмек ретінде Ұзынағаш пен Алматы қаласынан техника мен өрт сөндірушілер жұмылдырылған.
Алдын ала ақпарат бойынша өрт алдымен АХАЖ мен архитектура ғимаратынан шығып қасында тұрған үйге көшкен.
Төтенше жағдайлар бөлімінің қызметкерлері арқасында жалыннын шарпуы мен одан әрі таралуы тоқтатылды. Оқыс оқиғадан ешкім зардап шекпеді.
Посмотреть эту публикацию в Instagram
