Ақмола облыстық білім басқармасының мәліметінше, Аршалы ауданының №3 мектебіндегі төтенше жағдайға байланысты аймақ басшысының бірінші орынбасары Мәлғаждар Тәткеевтің төрағалығымен жедел штаб құрылды. Оқиға орнына білім басқармасының басшысы Бейбіт Жүсіпов аттанды.
«Қазіргі кезде апаттың салдарын жою және жылу беруді қалпына келтіру бойынша жедел шаралар қабылданып жатыр. Балалардың ешқайсысы зардап шеккен жоқ, олар қашықтан оқытуға ауыстырылды. Сонымен бірге, өңірдегі барлық мектептердің қазандықтарына тексеру жүргізіледі. Зардап шеккен үш ересек адамға қажетті барлық медициналық көмек көрсетілді. Олқылыққа жол берген адамдар тексеруден кейін жауапқа тартылады», — деді білім басқармасынан.
