Облыстық полиция департаменті баспасөз қызметінің мәліметінше, жол апаты қыркүйектің 24 күні «Степногор — Заводской» жолында болған.
«Анықталғанындай, Заводской бағытында жүріп бара жатқан «Lada Kalina» көлігі жолдың қарсы бағытына шығып кетіп, «Nissan Teana» көлігімен бетпе-бет соқтығысқан. Салдарынан «Lada Kalina» көлігі өртеніп, жүргізушісі мен екі жолаушысы көз жұмды. Ал, «Nissan Teana» көлігінің жүргізушісі мен жолаушысы Степногор қалалық ауруханасының жансақтау бөліміне жатқызылды», — деді ведомстводан.
Департаменттің баспасөз қызметінен атап өткендей, қазіргі кезде бұл дерек ҚР ҚК-нің 345-бабының 4-бөлігі бойынша тіркеліп, сотқа дейінгі тергеу амалдары басталды.
