«Пойыздың басқару тізгініндегі қызметкер бір отар қойды байқап, апатты жағдайда қолданатын тежегішті іске қосты. Алайда, қақтығыстың алдын алу мүмкін болмады», — деді полиция департаментінің өкілі Оңал Бекеев.
Оның айтуынша, апат болған аймаққа Алтынкөл бекетіндегі желілік полиция бөлімшесінің мамандары жедел жетті. Істің ізін суытпай малдың иесі Туғанбай ауылының 36 жастағы тұрғыны екенін анықтады.
«Аталған азамат ҚР ӘҚБтК 559-бабының 1-бөлігі, яғни темiржолдардың бөлінген жолағында мал жаю қағидаларын бұзу бойынша әкімшілік жауапкершілікке тартылды», — деді полиция өкілі өз сөзінде.
Айта кетейік, оқиға орнында жүк пойызы 13 минут аялдаған.
