Алматы облысы, Жамбыл ауданында кәсіпкер Риза Тұрдаш ұлттық тағам өндірісін дамытып, тұтынушыларға залалсыз әрі пайдалы өнім ұсынып отыр.
Пайдалы әрі ысырапсыз өнім
Кәсіпкердің айтуынша, құрт пен сүт өнімдері ешқашан банкроттыққа ұшыратпайды. Себебі шикізат толығымен пайдалы әрі қайта өңдеуге жарамды:
- «Қатық іріп кетсе де, одан құрт жасауға болады. Қайнатып жіберсең, ірімшік шығады. Сары майдың да түр-түрін ұсынамыз: қарынға салынған май, қарынға салынбаған май, тұз қосылған және тұзсыз түрлері бар», – дейді кәсіпкер.
Мемлекеттік қолдау – дамудың кепілі
Риза апай кәсібінің өрге домалауына мемлекет тарапынан көрсетілген қолдаудың әсері мол екенін айтады:
- «Кәсібімнің алға ілгерілеуінде мемлекеттік бағдарламалардың пайдасын көп көріп отырмын. Қазіргі таңда жұмысымыз өнімді, алдағы уақытта тағы да мемлекеттік қолдауға ие болып, өндірісті кеңейтіп, өнімді шетелге дейін жеткізуді жоспарлап отырмын», – дейді ол.
Жаңа белестерге жол
Ұлттық тағамды жаңаша форматта ұсынып жүрген кәсіпкердің мақсаты – өнімдерін халықаралық деңгейге шығару. Құрт, ірімшік пен майды тек Қазақстанда ғана емес, әлемнің әр түкпірінде тұтынушыларға таныстыру – оның басты арманы.
Бұл бағытта «Атамекен» кәсіпкерлер палатасы әрқашан қолдау көрсетіп, ауыл кәсіпкерлерінің дамуына жол ашуда.
Алматы облысы кәсіпкерлер палатасының баспасөз хатшысы
Бисембекова Раушан
