Есірткі қылмысы – қазіргі қоғамдағы ең өзекті мәселелердің бірі. Оның заңсыз айналымы азаматтардың денсаулығына, қоғамдық қауіпсіздікке және елдің әлеуметтік тұрақтылығына елеулі зиян келтіреді. Сондықтан есірткі қылмысының алдын алу және оған қарсы күрес – баршамызға ортақ міндет.
Есірткіні сақтау, өндіру, тарату және өткізу заңмен қатаң тыйым салынған. Мұндай әрекеттер адам өміріне қауіп төндіріп қана қоймай, ауыр қылмыстық жауапкершілікке әкеледі. Әсіресе жастар арасында есірткі заттарының таралуы үлкен алаңдаушылық туғызады, себебі бұл өскелең ұрпақтың денсаулығы мен болашағына кері әсер етеді.
Құқық қорғау органдары есірткі қылмысының жолын кесу, заңсыз айналым арналарына тосқауыл қою және қылмыстық әрекеттерді анықтау бағытында тұрақты жұмыстар жүргізуде. Сонымен қатар халық арасында түсіндіру және профилактикалық шаралар ұйымдастырылып, есірткінің зияны туралы ақпараттық жұмыстар атқарылуда.
Есірткі қылмысының алдын алуда отбасы, мектеп және қоғамның рөлі ерекше. Жастарға дұрыс бағыт-бағдар беру, салауатты өмір салтын насихаттау және олардың бос уақытын тиімді ұйымдастыру – қауіпті құбылыстың алдын алудың маңызды жолдары.
Әрбір азамат есірткіге қатысты заңсыз әрекеттерге бейжай қарамай, мұндай жағдайлар туралы тиісті органдарға хабарлауы қажет. Қоғамның бірлігі мен жауапкершілігі арқылы ғана есірткі қылмысына қарсы тиімді күрес жүргізуге болады.
Есірткісіз қоғам – дені сау ұрпақ пен қауіпсіз болашақтың негізі. Заңды құрметтеу, салауатты өмір салтын таңдау және өзгенің өміріне жауапкершілікпен қарау – әр азаматтың міндеті.
