«Мароккода Елшілігіміз бар. Елшілік қызметкерлері мен басқа да қазақстандықтарды қосқанда 30-дан астам азаматымыз тұрады. Барлығы аман-есен. Ешкім зардап шеккен жоқ. Бәрімен байланысып отырмыз. Зардап шеккендер мен қаза тапқандардың арасында Қазақстан азаматы жоқ», — деді Айбек Сдамияров ведомствода өткен брифингіде.
Естеріңізге сала кетсек, 8 қыркүйекте Мароккода қуатты жер сілкінісі болды. Елдің Ішкі істер министрлігі таратқан соңғы дерекке сәйкес, зілзаладан қаза тапқандар саны 2 012 адамға жетті. 2059 тұрғын жараланды, оның 1404-інің жағдайы өте ауыр.
