Жер асты дүмпулері елдің батысындағы бірнеше өңірде, соның ішінде Ыстанбұлда да сезілді.
Эпицентр Балыкесир аймағындағы Сындыргы қаласының маңында болған. Түрік ақпарат агенттіктерінің алдын ала мәліметі бойынша, үш тұрғын үй мен бір дүкен қираған, алайда адам шығыны туралы ақпарат жоқ.
Ыстанбұл, Измир және Маниса провинцияларының билігі әлеуметтік желілерде қазіргі уақытта зардап шеккендер жоқ екенін, бірақ залалды бағалау жұмыстары жалғасып жатқанын мәлімдеді.
Бұл – соңғы 48 сағат ішіндегі екінші жер сілкінісі. Бұған дейін, жексенбі күні, жер сілкінісінің эпицентрі Қара теңізде, Ыстанбұл әуежайының маңында болған еді.
Түркия Президенті Режеп Тайып Ердоған жағдайды бақылауда ұстап отырғанын және төтенше қызметтерге залалды бағалау мен зардап шеккен аудандарда жағдайды қадағалауды тапсырғанын айтты.
