Сауд Арабиясының метеорологиялық департаменті Мекке, Мәдина және Жидда қалаларында қауіптіліктің қызыл деңгейін жариялады.
Қатты жаңбырдың әсерінен Жидда, Мекке және Медине қалаларындағы көптеген жолдар мен алаңдарды су басып, көлік қозғалысы шектелді. Сонымен қатар елдің басқа да өңірлерінде орташа не қатты жауын-шашын тіркелген. Ұлттық метеорология орталығы (NCM) Жидда қаласындағы ескерту деңгейінің қызылдан қызғылт сарыға дейін төмендегенін хабарлады.
Билік ел тұрғындарына барлық ұсыныстар мен ескертулерді орындауға және ауа райы туралы жаңалықтарды мұқият қадағалауға шақырды. Сонымен қатар су тасқыны әуе қатынасына әсер етуі мүмкін, сондықтан саяхатшылардан ұшу кестесінің жаңартуларын тексеру үшін әуе компанияларына алдын ала хабарласу сұралды.
