Журналистің «Қазақстанға бару жоспарыңызда бар ма?» деген сауалына Трамп:
«Баруым әбден мүмкін. Олармен әңгімеміз мазмұнды болды. Сәлем айтыңыз. Президенттеріңіз жақсы адам», – деп жауап берді.
Айта кетейік, бұған дейін АҚШ президенті бірқатар елдердің тауарына 25 пайыздық баж салығын енгізген болатын. Тізімде Қазақстан да бар.
Дегенмен ҚР Сауда және интеграция министрі Арман Шаққалиевтің мәліметінше, бұл шектеулер Қазақстанның АҚШ-қа экспортының 95 пайызына әсер етпейді. Қосымша баж салығы негізінен ферросилициум мен фосфор өнімдеріне ғана қатысты, яғни экспорттың 4,5 пайызын құрайды.
Сарапшылардың пікірінше, екі ел арасындағы саяси және экономикалық байланыстардың кеңеюі Қазақстанға жаңа мүмкіндіктер ашады. Дональд Трамптың ықтимал сапары да осы қарым-қатынастарды тереңдетуге бағытталуы ықтимал.
