Енді америкалық компания зауыт акцияларын толық бақылап отыруға құқылы.
2023 жылдың қазан — желтоқсан айларынын есебіне сәйкес, Wabtec «Локомотив құрастыру зауыты» АҚ акцияларының тағы 50 пайызын 81 миллион долларға сатып алды. Бұрын компания акциялардың жартысын «Трансмашхолдинг» АҚ-мен паритетте иеленген.
«Бұл қадам 2023 жылдың қарашасындағы Қазақстандағы өзара түсіністік туралы меморандумдарға қол қоюдан кейін жасалды. Осы құжаттарда көрсетілген барлық мәмілелер орындалған жағдайда, Wabtec-тің Қазақстанға техника жеткізуден түскен пайдасы шамамен 2 миллиард долларды құрайды», — деп жазылған теміржол көлігі мамандарына арналған салалық басылым порталында.
Өз кезегінде «Қазақстан Темір жолы» Ұлттық компаниясы өзінің локомотив паркінің 15 пайызын жаңартып, 240 Wabtec локомотивін сатып алу үшін американдық Citibank-тен 900 миллион доллар қарызға алуды жоспарлап отыр.
Еске салсақ, 2023 жылдың қыркүйек айында Президент Қасым-Жомарт Тоқаев Wabtec компаниясының бас атқарушы директоры Рафаэль Сантананы қабылған болатын. Кездесуде Қазақстанның теміржол саласын қайта құру аясында Wabtec компаниясымен ынтымақтастық перспективалары талқыланды.
