Брифингте Алматы қаласы әкімдігі, Алматы қаласының Полиция департаменті және «Көркем Телеком» ЖШС арасында мемлекеттік-жекеменшік әріптестік келісімі аясында «Алматы қаласының зияткерлік қауіпсіздік жүйесі және жол қозғалысы трафигін талдау» жобасы жүзеге асырылып жатқаны еске салынды. Жобаның қуаттылығы – 766 «Сергек» аппараттық-бағдарламалық кешендері (383 желілік учаскелерде, 383 жол қиылыстарында).
«Жобаны іске асыру жол қозғалысы қауіпсіздігін қамтамасыз ететін камералардың жолдардағы апаттардың негізгі көрсеткіштерін төмендетуге айтарлықтай ықпал ететінін көрсетеді, өйткені жоғары жылдамдық апат қаупінің артуына да, зардаптардың ауырлығының артуына да әкеледі. Бүкіл әлем бойынша жүргізілген көптеген зерттеулерге сәйкес, бақылау камералары ауыр жарақаттармен немесе өліммен болатын апаттарды 11%-дан 44%-ға дейін төмендетуі мүмкін. Осылайша, «Сергек» камералары орнатылғаннан бері жол-көлік оқиғаларынан қаза тапқандар саны 40 пайызға (2019 жылғы 161-ден 2022 жылы 96-ға дейін) азайды», – деді Арман Әлмереков.
Спикер «Сергек» жүйесі жол қозғалысы қауіпсіздігін жақсартуға ғана көмектесіп қойматынын түсіну маңызды екенін атап өтті. Барлық «Сергек» кешендері арнайы желілік бақылау камераларымен жабдықталған, олар желілік учаскелер мен қиылыстарда барлық аппараттық-бағдарламалық кешендерден барлық оқиғалар бейнеге түсіріледі, сол арқылы қоғамдық қауіпсіздікті бақылауға мүмкіндік жасалған. Қажет болған жағдайда Полиция департаменті қала көшелерінде орын алған қылмысты ашу үшін осы камераларды пайдаланады.
Сергек жүйесі тәулік бойы режимінде кемінде 30 күн бойы деректердің сақталуын қамтамасыз етеді. 30 күндік бейнесуреттерді сақтау мерзімі Ұлттық қауіпсіздік комитеті төрағасының бұйрығымен бекітілген Ұлттық бейнебақылау жүйесінің жұмыс істеу қағидаларында айқындалған.
Қазіргі уақытта жүйені 575 «Сергек» АБК кеңейту жоспарланып жатыр (493 – желілік учаскелерде, 82 – жол қиылыстарында). Бұл бастаманы жүзеге асыру Алматы жолдарындағы өлім-жітім деңгейін одан әрі 30%-ға төмендетуге және қаланың әсіресе апатты жол учаскелерін толығымен жабуға мүмкіндік береді.
Сондай-ақ брифингте маңызды сандар айтылды. Алматы Полиция департаментінің мәліметінше, 2022 жылы «Сергек» жүйесі бойынша жалпы сомасы 8,332 млрд теңгеге 1 136 670 құқықбұзушылық тіркелген. 2022 жылдың желтоқсан айындағы жағдай бойынша жалпы сомасы 997,2 млн теңгеге 85 442 құқықбұзушылық тіркелді.
Өткен жылдың деректерін алатын болсақ, жүйе күніне орта есеппен 3000-нан астам жол ережесін бұзуды тіркейді.
Қазіргі уақытта Алматыдан басқа Қазақстанның 7 қаласында «Сергек» жүйесі жұмыс істейді: Астана, Өскемен, Атырау, Шымкент, Түркістан, Тараз, Семей.
