Жаңа туристік нысан Қонаев қаласында, Қапшағай су қоймасының жағалауында орналасқан.
Мұзайдынының жалпы аумағы 22 мың шаршы метрді құрайды. Қазір «Медеу» мұзайдыны екі жылға күрделі жөндеуге жабылғанын ескерсек, Қонаевтағы жаңа нысан алматылықтар мен өңір тұрғындары үшін лайықты балама болмақ.
Жаңа мұзайдын кеше ғана келушілерді қабылдай бастады. Демалушылардың қатарында Алматы мен Қонаев қалаларынан, сондай-ақ шалғай аудандардан келген тұрғындар бар. Бұған жол инфрақұрылымының жақсаруы да ықпал етіп отыр: бүгінде Алматыдан Қонаевқа тақтайдай тегіс жолмен бір сағатқа жетпей жетуге болады.
Айта кетейік, жаңа мұзайдын өңірдің туристік әлеуетін арттырып, қысқы демалысты әртараптандыруға мүмкіндік береді деп күтілуде.
