Шараның қадірлі қонақтарының арасында Серік Сәпиев, Нұрбақыт Теңізбаев, Дәурен Төлеген, Дархан Әшіров, Мәулен Мамыров, Жандос Исмаилов және Алайдар Шаттық сияқты белгілі спортшылар болды. Олар шеберлік сабақтарын өткізді. Сонымен қатар, жүлдегерлерді марапаттап, жылы лебіздерін білдірді.
«Биыл балалар жылы болғандықтан өскелең ұрпаққа спортты насихаттау басты мақсаттардың бірі. Осы Қонаев қаласынан шыққан спортшыларымыз көп болсын. Қазақ спорты жасасын!», — деді бокстан олимпиада чемпионы Серік Сәпиев.
Спорттық шараға, Батыр Машеков, Дамир Болатбеков, Қойбағар Дархан, Дәурен Сюкенов, Тоқтасын Ислам, Исхар Құрбаев, Мерей Мәулітханов, Мейрамбек Мұсаев, Мұхамед Нұғманов секілді жүлдегерлеріміз өз салалары бойынша жастарға тәжірибиелерімен бөлісті.
Жиын соңы Қонаев қаласының шығармашылық ұжымының концерттік бағдарламасына ұласты.
