Жаңа әуежай Жетісу облысы «Қорғас – Шығыс қақпасы» арнайы экономикалық аймағының аумағында салынады, деп хабарлайды alataunews.kz.
Жоба бірнеше кезеңді қамтиды. Оны жүзеге асыруға Қазақстан мен Германияның бірлескен кәсіпорны қолға алды. Мысалы, алдымен негізгі инфрақұрылым салынады. Содан кейін жолаушылар терминалының өткізу қабілетін, жүк және отын қоймаларының қуатын кеңейту үшін қосымша объектілер бой көтереді.
Әуежай 2027 жылы іске қосылады деп жоспарланып отыр. Жолаушылар терминалының өткізу қабілеті сағатына 500 адамға дейін болады деп күтілуде. Ал екінші және үшінші кезеңнің жұмыстары мен қосымша ойын-сауық орталығын салу жұмыстары толығымен 2032 жылы аяқталады. Жаңа әуежай құрылысы 700 жұмыс орнын ашуға мүмкіндік береді.
Жалпы жоба құны — 250 млрд теңгені құрайды.
Жетісу облысы әкімдігінің мәліметінше, қазіргі уақытта, жүк-жолаушылар әуежайын салу үшін учаскеде геодезиялық және топографиялық жұмыстар аяқталды.
