Мұз айдынының аумағында көптеген ойын-сауық интерактивті алаң мен тарихи аймақ орналасқан.
Салтанатты рәсімді Қазақстанның көрнекті спортшылары мен жаттықтырушыларының шеруі ашты.
Сонымен бірге мұзда қазақстандық мәнерлеп сырғанаушы, 2019 жылғы әлем чемпионатының күміс жүлдегері, 2019 жылғы қысқы Универсиаданың күміс жүлдегері және II қысқы жасөспірімдер Олимпиадасының қола жүлдегері Элизабет Тұрсынбаева арнайы бағдарламасымен өнер көрсетті. Мереке аясында аты аңызға айналған «Мұз симфониясы» мұз балеті мен «И в сердце горячо» гала-шоуының тұсаукесері өтті. Қонақтар Olуmpic Show атты алғашқы қазақстандық мұз шоуының қойылымын тамашалады.
Мереке соңында Молданазардың концерті болды. «Медеу» спорт кешенінің жартығасырлық тойы түнгі отшашумен аяқталды.
Медеу — жасанды мұз айдыны бар дүние жүзіндегі ең ірі спорт кешені. 10 500 шаршы метр мұз теңіз деңгейінен 1691 метр биіктікте орналасқан. Бұл конькимен жүгіру спортында әлемдік рекордтар ең көп қойылған орын және адамдар ең көп баратын спорт кешені.
