«Баланың есту проблемаларына ерте мән беріп, дамуының тежелуіне жол бермеу керек. Бізде кохреалры имплантацияға дейін есту мүшелерінің ең күрделі патологияларын диагностикалау және емдеу үшін барлық жағдайлар жасалған. Егер ата-аналар баланың нашар еститініне күмәнданса, дереу ЛОР-дәрігерімен кеңесу керек. Көптеген себептер орын алуы мүмкін: қарапайым күкірт тығыны, одан тазартқаннан кейін бала қайтадан жақсы естіп .Мысалы, жиі ауыратын балаларда аденоидты құбылыстар болады, нәтижесінде есту қабілеті жоғалуы мүмкін. Немесе мұрынға байланысты ауру: құлақ қалқанының артында сұйықтық жиналады, есту нашарлайды, сұйықтықты сорғаннан кейін есту қабілеті қалпына келеді. Вирустық сипатта есту проблемалары да туындауы мүмкін. Ата-аналар, балабақшадағы тәрбиешілер, мектептегі мұғалімдер, жалпы балалармен жиі байланыста болатын адамдар олардың естуі қабілетіне назар аударуы қажет. Пациенттің немесе ата-ананың шағымдарына сүйене отырып, ЛОР-дәрігер тексергеннен кейін бала сурдолог-дәрігерге жіберіледі. Аудиометрия жүргізіледі және қорытындысының негізінде диагноз қойылып, емдеу жүргізіледі», — дейді Улукбек Гаипов.
Аудиометрия емханада күнде жүргізіледі. Бұл жаңа туған нәрестелер мен ерте жастағы балалардың есту қабілетіндегі өзгерістерді анықтаудың жалғыз және тиімді әдісі — есту қабілетінің скринингі. Алдыңғы тексеру нәтижелеріне қарамастан, 1 жасқа дейінгі балалар тоқсан сайын, ал 3 жасқа дейінгі балалар жылына екі рет аудиологиялық скринингтен өтуі керек.
«Ата-аналардың бұған мұқият назар аударуы маңызды. Баланың сыбдырға, дүрсілге және басқа дыбыстарға назары бар екендігін бақылау керек. Бірақ үш айға дейін айқын белгілері болмауы мүмкін. Есту өткірлігі үнемі 1 айдан 1 жасқа дейін, 1 жастан 2 жасқа дейін, 2 жастан 3 жасқа дейін және 6 жасқа дейін тексеріледі. Жаңа туған нәресте перзентханада аудиоскринингтен өтпеген жағдайлар бар және шығару кезінде ұсыныс қағаздарында осы сәтті белгілеп өтуі керек. Кейін ата-аналар тіркелген жері бойынша емханаға жүгінеді және аудиоскринингтен өздері өткізеді», — деп атап өтті дәрігер.
Сыртқы құлақ арнасында күкірттің болуы, құлақ дабылы қуысында шарана сұйықтығының болуы, тексерудің идеалды емес шарттары (әдіс шуға өте сезімтал) теріс зерттеуді тудыруы мүмкін. Сондықтан ауруханадан шыққаннан кейін емханада қайта тексерілу қажет.
«Баланы дер кезінде мұқият бақылау керек. Бала қоршаған әлемді дауыс арқылы біледі, эмоцияларды дыбыстар арқылы алады. Жалпы тексеру процесі 5 минуттан аспайды. Баланың құлағына белгілі бір сигналдар беретін сенсор енгізіледі, ал ішкі құлақтың жасушалары өз кезегінде отоакустикалық эмиссия деп аталатын жауап тітіркендіргішін тудырады. Тест есту жүйесінде қандай да бір патологияның бар-жоғын анықтауға мүмкіндік береді. Бұл жерде сәулелену жоқ, скринингтен бас тартуға объективті себеп жоқ, бұл тіпті вакцинация емес, тек құлаққаппен зерттеу түрі болып табылады. Бас тартуға ешқандай себеп жоқ. Егер сіздің балаңыздың жасы аудиоскринингтен өту үшін қолайлы болса, сіз жай ғана емханаға барып, баланың денсаулығы үшін тексеруден өтуіңіз керек. Зерттеуде ешқандай асқынулар болмайды және ағзаға кері әсер етпейді. Егер сіз аудиоскринингті өткізіп алсаңыз және патологияны немесе есту қабілетінің жоғалуын анықтауға мүмкіндік бермесеңіз, онда Сіз нәрестенің қалыпты дамуына мүмкіндік бермейсіз», — деп қорытындылады маман.
