Айта кетейік, экс-шенеуніктің ұсталғаны туралы ақпарат өткен аптада әлеуметтік желілерде тараған болатын.
Ұлттық қауіпсіздік комитетінің баспасөз қызметі тергеу барысына қатысты тек қысқаша мәлімет берді.
«Сотқа дейінгі тергеу жүргізіліп жатыр. Қылмыстық-процестік кодекстің 201-бабы 1-бөлігіне сәйкес өзге ақпарат жария етілмейді», — деп хабарлады комитет өкілдері.
Әлеуметтік желілерде тараған мәліметтерде Қуат Ақшабаевқа парақорлық дерегі бойынша айып тағылғаны айтылған. Алайда ресми органдар бұл ақпаратты нақтыламады.
Іле ауданы әкімдігінің баспасөз қызметі бұрынғы орынбасардың ұсталғанға дейін қызметтен кету туралы өтініш бергенін мәлімдеді.
«Қуат Ақшабаев өз еркімен жұмыстан кету туралы өтініш жазған. Оның аудан әкімінің орынбасары ретіндегі өкілеттігі тоқтатылды. Қазіргі уақытта бұл лауазым бос тұр», — делінген әкімдік хабарламасында.
Қазіргі таңда іс бойынша тергеу жалғасып жатыр.
