Клиникалық жағдай С. Асфендияров атындағы Қазақ Ұлттық медициналық университетінің травматология, ортопедия және әскери хирургия кафедрасының меңгерушісі Қ.М. Тезекбаевтың қатысуымен консилиум өткізіліп, жасалатын операция барысы талданды.
Пациент толық тексеруден өтіп, жасалатын операцияның қаншалықты ауыр әрі ерекше әдіспен жүргізілетіні ескертілді. Алдын ала операцияға дайындық шаралары жүргізіліп, Кохер-Лангенбек тәсілі бойынша жарақат салдарынан сынған және шытынаған әр сүйекті қалпына келтіру үшін, реконструктивті жатыр сүйегінің ChM қос пластинасы қолданылып, винттермен бекітілді. Қосымша жүргізілген бақылау рентгенограммасында сүйек-буын жарақаттары толық қалпына келгендігі анықталды. Күрделілігі мен көлемінің ауырлығына қарамастан, дәрігерлер операцияны сәтті жасады.
Мұндай ауыр жарақат түрлері көбіне жол-көлік апаты немесе биіктен құлау салдарынан болады. Науқас дер кезінде операцияға алынып, көмек көрсетілмесе, мүгедек болып қалуы мүмкін.
Сондықтан, клиниканың жақсы жабдықталуы мен мамандар шеберлігі нәтижесінде Еңбекшіқазақ ауданының әрбір ауыр науқасына енді дер кезінде операция жасалып, үздік медициналық көмек көрсетіледі.
