Энергетика министрі Алмасадам Сәтқалиев Батыс Қазақстанда жаңа мұнай зауыты салынатынын айтты, деп хабарлайды alataunews.kz.
«2030 жылдан кейін төртінші мұнай өңдеу зауытын салу жоспарда бар. Әрине, МӨЗ салу туралы түпкілікті шешімге алдын ала факторлар әсер етеді. Біз өнімнің бір бөлігін экспортқа шығаруды жоспарлап отырмыз. Бұл жай ғана мұнай өңдеу зауыты емес, толыққанды газ-химиялық кешен болады. Алдын ала қарастырылып отырған алаң – Батыс Қазақстан», – деді Сәтқалиев Мәжілістегі брифингте.
Министрдің сөзінше, жаңа мұнай зауыты 2040-2050 жылдар аралығында елдің мұнай өнімдеріне деген қажеттіліктерін жабады және Орталық, Оңтүстік және Оңтүстік-Батыс Азияның қарқынды дамып келе жатқан нарықтарына мұнай өнімдерін экспорттауға мүмкіндік береді.
