Сағат 9.00-де Алматы қаласының М. Төлебаев көшесіндегі Д. Қонаев ескерткішінен басталған марафон өз мәресіне жетті. Атлеттер араға 3 сағат салып Алматы облысының орталығындағы Д. Қонаев ескерткішіне жүгіріп келді. Шараға қатысқан 15 атлет 75 шақырым қашықтықты еңсерді.
Қонаев қаласының орталық саябағына жиналған марафоншылар ескерткіш алдына гүл шоқтарын қойды. Және олар облыстық спорт басқармасының грамотасымен, арнайы сыйлықтарымен марапатталды.
«Құрметті марафоншылар! Д. Қонаевтың мерейтойын атап өту, салауатты өмір салтын дәріптеу мақсатында осындай игі шараға қатыстыңыздар. Бұл бастама әлі де өз жалғасын табады деген ойдамын. Барлығыңызға зор денсаулық тілеймін!», — деді облыстық спорт басқармасының басшысы Нұрбақыт Теңізбаев.
Посмотреть эту публикацию в Instagram
