Қазақстанның үштен бір бөлігі сейсмикалық қауіпті саналады.
«Сейсмикалық қауіптілігі жағынан Алматы, Шығыс Қазақстан, Жамбыл және Оңтүстік Қазақстан облыстары алдыңғы қатарда тұр. Жер сілкіністері бұл өлкелерде ежелгі заманнан белгілі, қазір де болып жатыр, келешекте де (ертеме немесе кешпе) міндетті түрде болады», — дейді сейсмологтар.
Осы орайда Алматы облысында жойқын жер сілкінетінін ерте хабарлайтын 9 автоматтандырылған жүйе орнатылды. Аймақта 2023 жылға дейін қосымша тағы 28 станция болады.
«Сондай-ақ Шығыс Қазақстан облысы мен Өскемен қаласында 120 сейсмикалық станция, оның ішінде 5 үздіксіз тіркеу сейсмикалық станциясы 5 күшті қозғалыс сейсмикалық станциясы орнатылды. Белсенді ақауларды зерттеу үшін 4 портативты сейсморадон аппаратурасы сатып алынды және орнатылды», — деп мәлімдеді ҚР ТЖМ мамандары.
2022 жылы Атырау облысында, Ақтау, Батыс Қазақстан және Қызылорда облыстарында 4 жаңа сейсмикалық пункт қосылды. ШҚО мен Түркістан облысында тағы 3 сейсмикалық станцияны іске қосу және жаңғырту жұмыстары жүріп жатыр.
