Алматы қаласы әкімдігінің мәліметінше, 14 сантиметр қар түскен. Синоптиктер қар бүгін 11:00-ге дейін жауатынын болжады.
Алматыда қар тазалауға 475 арнайы техника мен 1115 жұмысшы шықты.
Ал Алматы облысында «ҚазАвтоЖол» компаниясының қызметкерлері учаскені тазарту бойынша жедел шаралар қабылдап, жолдағы қауіпсіздікті қамтамасыз етті. Қарды тазалауға техника жіберілді. Көлік қозғалысына шектеу енгізілген жоқ.
Синоптиктердің болжамы бойынша 8 қаңтарда Алматы қаласы мен облысында ауа температурасы күндіз 0-2 градус болса, одан кейін -5-7 градусқа дейін, түнде-11-13 градусқа дейін төмендейді.
