Гуманитарлық көмек жинауға атсалысқан барша азаматтардың аманатын арқалап жүк пойызы су тасқынынан зардап шеккен аймаққа аттанды. Артынша еріктілер бір көлік болып көмек қолын созу үшін жолға шықты.
Біздің бастамамызбен қазіргі уақытта, барлығы 130 тоннадан аса гуманитарлық көмек жиналды. Бұған қарапайым халықтан бастап, кәсіпкерлерге дейін қолдарынан келгенше көмек көрсетті. Атсалысқан жандардың барлығына алғыс білдіреміз. Бүгін міне осы аманаттарыңызды арқалап, Орал қаласына ерікті ретінде жолға шығып барамыз», — деді «Алматы облысының жастар ресурстық орталығы» КММ-нің «Ұйымдастыру бөлімінің» басшысы Еламан Алғабасұлы.
Ел басына күн туғанда күшіміз бірлікте деп басқаға үлгі бола білген жастарымызға жол амандығын тілейміз. Қымбатты апатты аймақтағы ағайын, бекем болыңыздар біз сіздермен біргеміз!
