Симптомдар патологияның түріне және патогенге байланысты ерекшеленеді екен. Бұл мұрынның шырышты қабығының қабынуы, иіс сезудің төмендеуі, түшкіру және мұрыннан су ағу, жұтқыншақтың шырышты қабығының қабынуы және әртүрлі дәрежедегі тамақ аурулары.
Алматы облысының Бас мемлекеттік санитарлық дәрігері — санитарлық-эпидемиологиялық бақылау Департаментінің басшысы Марат Әделжанұлы Исмаиловтың айтуынша, 1 қазаннан бері облыс бойынша ЖРВИ белгілерімен 5000 астам адам медициналық мекемелерге жүгінген. Аурудың артуы желтоқсаннан қаңтарға дейін байқалуы мүмкін дейді маман.
Ал, вакцинациядан кейін 8-12 күн ішінде қалыптасатын иммунитет 12 айға созылады екен. Айта кету керек, бұл ауру жасөспірімдер арасында кең таралған.
«Қаламызда жылдың осы мезгіліне тән тұмау мен ЖРВИ эпидемиялық маусымы жалғасуда. Ауру қоздырғыштары адамнан адамға ауа тамшылары арқылы беріледі және айтарлықтай жұқпалы болып табылады. Сондықтан медициналық бетперде тағу, жеке гигиенаны, қашықтықты сақтау және т.б. қарапайым қауіпсіздік ережелерін елеусіз қалдырмауға шақырамын. Ауадағы вирустар біздің денемізге мұрынның шырышты қабаты арқылы енетінін бәрі біледі. Егер ол әлсіреген немесе зақымдалған болса, вирустар оңай көбейе бастайды. Иммундық жүйе төтеп бере алмай, қарапайым суық тиюден тамақ ауруы, бронхит және пневмонияға дейін асқынуы мүмкін. Көп адамдар мән бермейтін суық тию жиі ауыр ауруларға апаратын жолдың бастамасы болып табылатынын ұмытпаған жөн. Сондықтан иммундық жүйені дұрыс нығайту және вирустардан қорғау өте маңызды. Қаламыздың тұрғындары емханамыздың 2-қабаттағы арнайы бөлінген бөлмелерінде үлкен жауапкершілікпен келіп, екпе алатындарына сенімдімін», — дейді Қонаев қалалық көпсалалы ауруханасының директоры Ракишева Айман Ғалымжанқызы.
Алматы облысында жыл соңына дейін 200 мың адамға дейін екпе егіледі деп жоспарлануда. Бұл облыс тұрғындарына инфекциялар мен вирустарға қарсы иммунитетті қалыптастыруға көмектеседі.
