Алматы облысы, Боралдай ауылында 2 қазан күні әйел өз кәмелетке толмаған мүмкіндігі шектеулі баласын ауыр жарақаттаған қайғылы оқиға болды. Қайғылы жағдайдың себептері мен мән-жайлары әлі анықталуда, деп хабарлайды alataunews.kz.
Оқиға орнына дереу келген полиция қызметкерлері күдіктіні ұстап, оны уақытша ұстау изоляторына қамауға алды. Тергеу жұмыстары басталып, қылмыстың нақты себептері анықталуда.
Алматы облысы Полиция департаментінің баспасөз қызметі оқиғаға қатысты былай деп мәлімдеді:
«Бұл дерек бойынша полиция қылмыстық іс қозғады. Күдікті ұсталып, уақытша ұстау изоляторына қамауға алынды. Қазір қылмыстың барлық мән-жайын объективті зерттеуге бағытталған қажет тергеу әрекеттері жүргізіліп жатыр», – делінген хабарламада.
