2023 жылғы 20 қазаннан бастап 19 қараша аралығында Алматы облысының мамандандырылған табиғат қорғау прокуратурасының үйлестіруімен Алматы және Жетісу облыстарының аумағында табиғат қорғау заңнамасын бұзушылықтың жолын кесу мақсатында «Браконьер» кең ауқымды жедел профилактикалық іс-шаралары жүргізілуде.
Профилактикалық шара шеңберінде инспекция қызметкерлері құқық қорғау органдарымен бірлесіп Балқаш-Алакөл бассейнінің аумағында авиациялық техника және су көлігін пайдалана отырып, браконьерліктің жолын кесу бойынша рейдтік іс-шаралар жүргізіп жатыр.
Жалпы «Браконьер» шарасы басталғаннан бері Алматы және Жетісу облыстарының аумағында инспекция және құқық қорғау органдарының қызметкерлері табиғат қорғау заңнамасын бұзушылықтың 236 фактісін анықтады, аталған фактілер бойынша 13 қылмыстық іс қозғалып, 223 жеке тұлға әкімшілік жауапкершілікке тартылды, заң бұзушылардан 4,3 тоннадан астам заңсыз ауланған балық, 8 бірлік атыс қаруы, 6 бірлік су көлігі және 2 бірлік электр түрлендіргіштер тәркіленді.
Рейдтік іс-шаралар жалғасуда.
