Бүгінге дейін 181,4 мың тонна астық жиналды. Бұл өткен жылғы өніммен салыстырғанда екі есе көп.
Бидайды жинау науқаны да аяқталып қалды. 69,4 мың тонна бидай бастырылды. Өткен жылғы көрсеткіш 32,1 мың тонна болатын.
Алматы облысында ең көп өсірілетін дәнді-дақылдың бірі – арпаны жинау науқаны да аяқталды. 184,2 мың тонна жиналды (өткен жылы – 149,3 мың тонна).
Сондай-ақ, 81,5 мың тонна жүгері жиналды, оны жинау қарашаның бірінші онкүндігіне дейін жалғасады. Күріштің өнімі 26,7 мың тонна болды.
Биыл картоп та мол. Егіс алқаптарынан 85% жиналып, өнім 429,3 мың тонна болып тұр. Өткен жылы 398,1 мың тонна жиналған.
Жалпы жиналған көкөністердің көлемі биыл 743 мың тоннаға жетті. Өткен жылы 701,8 мың тонна болған.
