Бұл кезде оның анасы ауруханада жатқан. Баланың айғайын үйден жүгіріп шыққан көршісі естіп, оны ұстап алмақ болған. Ол каналға түсіп, баланы аман алып қалған. Зардап шеккен баланың көршісінің айтуынша, балалар каналдың жағасында ойнауға жиі барады, ол қоршалмаған, тіпті жақын жерде қауіп туралы ескерту белгісі де жоқ. Тұрғынның айтуынша, олар каналды қоршау туралы өтінішпен әкімдікке бірнеше рет жүгінген.
Талғар қалалық орталық аудандық ауруханасы бұл ақпаратты растады. 5 маусымда оларға арнаға құлап, зардап шеккен бала жеткізілген. Жағдайы орташа ауыр болған.
«Науқас бақылау үшін жансақтау бөліміне жатқызылды. Диагноз — су жұту, екі қолы мен оң жақ білегінде және екі аяғында көптеген көгерулер мен сырылған жерлер бар. Келесі күні жағдайы тұрақтанғаннан кейін науқас одан әрі ем қабылдау үшін облыстық балалар ауруханасына ауыстырылды», — деді Талғар ауруханасының травматология бөлімінің меңгерушісі Талғат Малаев.
Талғар ауданы әкімдігінің баспасөз қызметі қазір «Талғар ирригация» мемлекеттік мекемесінде каналды күрделі жөндеуге 2 миллиард 70 миллион теңгенің құжаттары дайындалып жатқанын хабарлады. 2023 жылдың аяғына дейін каналдың бетін плиталармен жабу жоспарланып жатыр.
