Алматы облысының Еңбек ұтқырлығы орталығы Жұмыспен қамтуды үйлестіру және әлеуметтік бағдарламалар басқармасы жанында жұмыспен қамту шараларын іске асыру арқылы бірқатар нақты нәтижеге қол жеткізді.
Ресми деректерге сәйкес, жыл басынан бері өңірде 72 541 жұмыс орны құрылды. Оның 58 528-і тұрақты, ал 14 013-і уақытша жұмыс орындары. Сонымен қатар ұлттық жобалар аясында 3 363 жаңа жұмыс орны ашылған.
Жұмыссыз азаматтарды нақты еңбек нарығына тартуға да басымдық берілді. 2025 жылы 22 099 адам тұрақты бос жұмыс орындарына орналастырылды. Бұл өңірдегі жұмыссыздық деңгейінің төмендеуіне оң әсерін тигізді.
Сондай-ақ жұмыспен қамтуды субсидиялау бағдарламалары арқылы 12 256 жұмыссыз азамат еңбекке тартылды. Атап айтқанда:
-
544 адам әлеуметтік кәсіпорындарға,
-
918 адам жастар практикасына,
-
7 686 адам қоғамдық-пайдалы жұмыстарға,
-
570 адам «Алғашқы жұмыс орны» жобасына,
-
1 517 адам «Күміс жас» бағдарламасына,
-
38 адам «Ұрпақтар келісімшарты» жобасына жолданды.
Еңбек нарығы талаптарына сай кадр даярлау мақсатында қысқа мерзімді оқыту бағдарламалары да іске асырылды. Оқу 6 колледжде және 10 оқу орталығында ұйымдастырылып, 707 жұмыссыз азаматты қамтыды. Оқуды аяқтаған 527 адам өз мамандығы бойынша тұрақты жұмысқа орналасты.
Кәсіпкерлікті қолдаудың тиімді тетіктерінің бірі — қайтарымсыз мемлекеттік гранттар. 2025 жылы жаңа кәсіп бастау және оны дамыту үшін 400 айлық есептік көрсеткіш көлемінде 260 мемлекеттік грант берілді. Бұл қолдау шаралары азаматтардың өз ісін ашып, тұрақты табыс табуына мүмкіндік берді.
Жалпы алғанда, атқарылған жұмыстар Алматы облысында жұмыспен қамту саясатының жүйелі түрде жүзеге асып жатқанын және өңірдегі еңбек нарығының тұрақтануына ықпал етіп отырғанын көрсетеді.
