Айта кетейік, 2023 жылы мектепте күрделі жөндеу басталып, оған бюджеттен 1,1 млрд теңге бөлінген болатын. Мердігер «SHEBERBUILD» ЖШС.
Жөндеу жұмыстары ұзаққа созылғандықтан, 2024 жылдың 27 ақпанында Талғар ауданының білім бөлімі мердігерді жөндеу жұмыстарын мерзімінде аяқтамады деп айыптап, сотқа берді. 27 мамырда Алматы облысының мамандандырылған ауданаралық экономикалық соты «SHEBERBUILD» ЖШС-ні мемлекеттік сатып алулардың жосықсыз қатысушысы деп таныды. Шешім әлі заңды күшіне енген жоқ.
Сот процестеріне қарамастан, мектепті жөндеуді қаржыландыру жалғасуда. Маусым айында мердігерге 94,1 млн теңге аударылған.
«Мектепті жөндеу жұмыстары әкімдіктің ерекше бақылауында. Барлық жұмыстар ағымдағы жылдың тамыз айында аяқталады деп күтіп отырмыз. Балалар 1 қыркүйекте мектепке барады», — деді Талғар ауданы әкімінің орынбасары Айбек.
Барлығы 11,5 мың адам тұратын Нұра ауылдық округінде үш мектеп бар. Нұра ауылындағы №12 орта мектепте 1146 бала оқиды.
Алматы облысы Талғар ауданының әкімдігі мектептердегі орын тапшылығымен белсенді күресуде. «Жайлы мектеп» бағдарламасы аясында мұнда 5700 оқушыны қабылдай алатын жеті жаңа орта мектеп салынып жатыр. Жаңа мектептер Айғаным, Жалғамыс, Төнкерис, Талдыбұлақ, Қызылту, Жаңалық және Жүзбастау ауылдарында салынады.
Жаңа мектептер салу – бұл қажеттілік, өйткені аудан қарқынды дамып келеді. Мұнда халық санып күн сайын көбейіп жатыр, туу деңгейі жоғары. Қазір ауданның 43 мектебінің алтауы үш ауысымда жұмыс істейді. Биліктің жоспарында 11,1 мың орындық 12 жаңа мектеп салу бар. Жақында билік өкілдері Жаңалық және Талдыбұлақ ауылдарындағы мектеп құрылысының барысын тексерді.
