Конкурс ауылдық округтердегі жастар ісі жөніндегі әдіскер-нұсқаушыларға арналған. Ондағы мақсат ауылдық деңгейде жастармен тікелей жұмыс атқаратын әдіскер-нұсқаушылардың кәсіби шеберлігін, ұйымдастырушылық қабілетін арттыру, үздік тәжірибелерді анықтап, оларды облыс көлемінде тарату арқылы мемлекеттік жастар саясатының тиімді іске асуына ықпал ету.
«Бүгінгі күннің маңызды оқиғаларының бірі – Алматы облысының ауылдық округтеріндегі әдіскер-нұсқаушыларға арналып алғаш рет ұйымдастырылған «UMTYLYS» байқауы өтті. Байқауға барлығы 44 өтінім қабылданды. Комиссия шешімімен олардың ішінен 8 үздік жоба жеңімпаз деп танылды. Бұл жобалар ауыл жастарының белсенділігін арттыруға, сондай-ақ олардың әлеуметтік мәселелерін шешуге бағытталған. Жеңімпаз жобалар жыл соңына дейін нақты іске асырылып, ауыл жастары үшін жаңа мүмкіндіктерге жол ашады деп күтілуде»,- деді облыстық жастар саясаты басқармасының басшысы Мәди Ахметов.
Айта кетейік, байқау жеңімпаздары арнайы дипломдармен және ақшалай сыйақылармен марапатталды. Жеңімпаздардың толық тізімі төменде ұсынылады.
- Ахын Жандаулет, Балхаш ауданы Бірлік ауылдық округі
«Таза ауыл – таза болашақ!» ауылдың экологиялық мәдениетін көтеруге және тұрғындарды таза, жайлы орта қалыптастыруға үндеуге бағытталған экологиялық бастама жобасының авторы.
- Еликбаева Динара, Еңбекшіқазақ ауданы, Қырбалтабай ауылдық округі
«OPEN AIR Cinema» жастар мен қала тұрғындарына арналған ашық аспан астындағы кино көрсетілім жобасы, мәдени демалысты қолжетімді әрі көңілді етуге бағытталған жобасының авторы.
- Малибекова Мадина Бидаулетқызы, Қарасай ауданы, Әйтей ауылдық округі
«Замануи бағытта еріктілер ұйымын құру» туралы жоба авторы.
- Бердикулова Ақнұр Махмутқызы, Қарасай ауданы, Жамбыл ауылдық округі
«Qamaor Patsha» — жануарларды қорғау және қамқор болу ұйымын құру жобасының авторы.
- Мырзалиев Кахар, Ұйғыр ауданы Қырғызсай ауылдық округі
«Kino Mobil» жылжымалы кинотеатр жобасының авторы.
- Тұрлыжанова Толғанай Қуатқызы, Талғар ауданы Бесқайнар ауылдық округі
«Jastar lab» ауыл жастарына арналған даму және идеялар зертханасы құру жобасы авторы.
- Орынбаева Мақпал Жеңісқызы, Талғар ауданы Бесқайнар ауылдық округі
«StartUp – сенің жаңа қадамың» жастарды дамытуға арналған жоба авторы.
- Жакапова Жансая Орысбайқызы, Кеген ауданы Алғабас ауылдық округі
«Кеген жастары» жастардың шығармашылық орталығын құру жобасының авторы.
