2023 жылы 15 қараша күні сағат 02:00-де Алматы облысы ТЖД кезекші бөлімінің пультіне Райымбек ауданы Қарасаз ауылының маңындағы қыстауда «Әмір» шаруа қожалығында 1985 жылы туған ер адам 14 қараша күні 11:00-де малға шығып, қайта оралмағанын хабарлады.
Дағдарыс басқармасы жоғалған адамның телефон нөмірінің билинг арқылы соңғы орналасқан жерін анықтау үшін ақпаратты өңдеді. Сондай-ақ әлсіз байланыс сигналы пайда болған жағдайда ақпарат алу үшін жоғалған адамның телефон нөмірлеріне SMS жіберілді.
Алматы облысы ТЖД 10 қызметкері, 3 бірлік техникасы және ұшқышсыз ұшу аппаратының күшімен сағат 08:54-те жоғалған азамат таудан табылды. Оған медициналық көмек қажет болмады.
Белгілі болғандай, ер адам ұзақ уақыт бойы мал іздеп және оның жылқысына демалу қажет болғандықтан, сол жерде орналасқан ескі үйде түнеуге шешім қабылдаған. Оның орналасқан жерінде байланыс болмаған, оның үстіне телефон заряды таусылып, өшіп қалған.
Алматы облысының ТЖД азаматтарды өз маршруттарын жоспарлауға және сапарға шықпас бұрын ұялы телефондарды қуаттаудың маңызды екенін еске салады.
