«Балалардың қауіпсіздігі үшін барлық мектептер, балабақшалар мен колледждер 100% бейнебақылау камераларымен, Қонаев қаласының 15 мектебі мамандандырылған күзетпен қамтамасыз етілді. 16 мектепте бейнебақылау камералары ЖБО арқылы (жедел басқару орталығы) жұмыс жасайды», — деді Лаззат Тұрлашов.
Сондай-ақ 120 мектепке турникет орнатуға 224,9 млн теңге бөлінді. Бұдан бөлек, Еңбекшіқазақ, Талғар, Ұйғыр аудандарында этносаралық қатынастарды қалыптастыру, облыстың аралас мектептерінде құқықтық тәрбиені күшейту мақсатында құқық қорғау органдарының бұрынғы қызметкерлері қатарынан «Құқықтық тәрбие жөніндегі менеджердің» 43 штаттық бірлігі енгізілді. Осы мақсатқа облыстық бюджеттен 43 млн теңге бөлінді.
