20 желтоқсанда Қазақстанның 14 облысында ауа райына байланысты ескерту жариялады, деп хабарлайды alataunews.kz «Қазгидромет» РМК баспасөз қызметіне сілтеме жасап.
Алматы облысының аумағында жұма күні қар аралас жауын-шашын күтілуде. Күндіз ауа температурасы +2 градус жылы болса, түнде -2…-4 градус аяз болады.
Сенбі күні Алматы облысында жауын-шашынсыз тынық ауа райы күтіледі. Аспан бұлтты болғанымен, күндіз температура -1 градус аязды көрсетсе, түнде -4…-6 градусқа дейін суытады. Желдің жылдамдығы секундына 6 метрге дейін жетуі мүмкін.
Жексенбі күні де жауын-шашын болмайды деп болжануда. Күндізгі ауа температурасы -3 градус аязға дейін төмендесе, түнде -10 градусқа дейін салқындайды. Алдағы демалыс күндері ауа райы тұрақты болғанымен, жылы киініп, денсаулыққа мән берген жөн.
