Салтанатты шара барысында облыстық спорт басқармасының басшысы Нұрбақыт Теңізбаев өңірдегі бірқатар жаңалықтармен бөлісті.
«Облыс екіге бөлінгелі спорт басқармасына қарасты 4 мекеме құрылды. Спортпен шұғылданатын балалардың саны – 21000-нан астам. 2022 жылы 150-ден астам азиялық және әлемдік чемпионаттарда біздің спортшылар жүлдегер және жеңімпаз атанды. Облыс бойынша 4000-нан астам спорттық шаралар ұйымдастырылды. Құрметті әріптестер, еңбектеріңіз жана берсін! Бақытты әрі ұзақ ғұмыр кешіңіздер!», — деді Нұрбақыт Теңізбаев.
Марапатталғандар тізімі келесідей:
1. 5 000 000 теңге ақшалай сертификатымен және облыс әкімінің Алғыс хатымен қол добынан «Алатау арулары» командасы марапатталды. «Алатау арулары» қол добынан 2022 жылғы Қазақстан Республикасы Супер лигасының жеңімпаздары, Азия құрлығының «Чемпиондар Лигасы» квалификациялық турнирінің қола жүлдегері.
2. 1 000 000 теңге ақшалай сертификатымен және облыс әкімінің Алғыс хатымен Орынбай Әсем марапатталды. Орынбай Әсем стенд атудан Қазақстан Республикасының халықаралық дәрежедегі спорт шебері, ересектер арасында Әлем чемпионатының қола жүлдегері, Азия чемпионы, Қазақстан Республикасының бірнеше дүркін жеңімпазы. 2024 жылы өтетін Париж Олимпиада ойындарына үміткер спортшының бірі.
3. 1 000 000 теңге ақшалай сертификатымен және облыс әкімінің Алғыс хатымен Сұлтан Олжас марапатталды.
4. 400 000 теңге ақшалай сертификатымен және облыс әкімінің Алғыс хатымен спортшылар Шагаева Алтын, Сүндетбай Айдана, Аскаров Адлан марапатталды.
5. 300 000 теңге ақшалай сертификатымен және облыс әкімінің Алғыс хатымен Рященцев Игорь марапатталады. Спортшы байдарка мен каноэде есуден Қазақстан Республикасының халықаралық дәрежедегі спорт шебері, ересектер арасында Азия чемпионатының қола жүлдегері, Қазақстан Республикасының жеңімпазы. Париж Олимпиада ойындарына үміткер спортшы.
Дәл осындай марапатпен Еркебаева Гүлмарал марапатталды. Гүлмарал– әйелдер күресінен Қазақстан Республикасының халықаралық дәрежедегі спорт шебері, әйелдер арасында Әлем чемпионатының қола жүлдегері, Азия чемпионатының қола жүлдегері және Қазақстан Республикасының бірнеше дүркін чемпионы.
6. 450 000 теңге ақшалай сертификатымен және облыс әкімінің Алғыс хатымен Нуралиев Азамат марапатталды. Нуралиев Азамат пара қол күресінен Қазақстан Республикасының халықаралық дәрежедегі спорт шебері. Ересектер арасында Азия чемпионатының қола жүлдегері, Әлем чемпионатының жеңімпазы.
7. 350 000 теңге ақшалай сертификатымен және облыс әкімінің Алғыс хатымен Шлижевская Ольга марапатталды. Ольга қол күресінен Қазақстан Республикасының еңбек сіңірген спорт шебері. Азия чемпионатының 5 дүркін жеңімпазы, Әлем чемпионатының 4 дүркін чемпионы. 2022 жылғы Әлем чемпонатының күміс жүлдегері.
8. 400 000 теңге ақшалай сертификатымен және облыс әкімінің Алғыс хатымен Құлымбетова Жібек марапатталды. Құлымбетова Жібек джиу-джитсу спортынан және самбодан Қазақстан Республикасының спорт шебері, джиу-джитсудан Әлем чемпионатының 6 дүркін жеңімпазы, самбо күресінен Әлем чемпионатының қола жүлдегері Облыс әкімінің «Заңғар» жастар сыйлығының иегері.
Келесі кезекте «Үздік спорттық өңір», «Үздік спорт мектебі», «Үздік спорт федерациясы» наминациялары бойынша марапатталды.
500 000 теңге ақшалай сертификатымен және облыс әкімінің Алғыс хатымен облыста бұқаралық спорттың дамуына үлкен үлес қосқаны үшін жылдың «Үздік спорт мекемесі» – Алматы облыстық бұқаралық-спорттық іс-шараларды өткізу орталығы марапатталды. Аталған мекеменің бастамасымен биылғы жылы халықаралық, республикалық және облыстық деңгейде 500 -ден аса ірі спорттық іс-шаралар ұйымдастырылған.
300 000 теңге ақшалай сертификатымен және облыс әкімінің Алғыс хатымен жылдың «Үздік спорт мектебі» атанған – Талғар ауданының балалар мен жасөспірімдер спорт мектебі марапатталды. Дәл осындай марапатпен Қонаев қаласының балалар мен жасөспірімдер спорт мектебі марапатталды.
300 000 теңге ақшалай сертификатымен және облыс әкімінің алғыс хатымен жылдың «Үздік спорт федерациясы» атанған – көкпардан «Алатау» Алматы облыстық федерациясы» қоғамдық бірлестігі марапатталды.
Облыста аудандар арасында спорт саласының дамуына ерекше үлес қосқан жылдың «Үздік спорттық өңірі» марапатталды. Жеңімпаз — Еңбекшіқазақ ауданы. Ауданға 300 000 теңге ақшалай сертификат және облыс әкімінің Алғыс хаты табыс етілді.
Посмотреть эту публикацию в Instagram
