Барлық спортшылардан оқ бойы оза шапқан әзірбайжандық қатысушы Аркадий Найдич «Konaev CUP» кубогын жеңіп алды. Алматы облыстық спорт басқармасының басшысы Нұрбақыт Теңізбаев жеңімпазға кубокпен қоса 500 мың теңге ақшалай сыйлық, арнайы жасалған алтын медальды табыстады.
«Халықаралық дәрежедегі гроссмейстермін. Алдымен ұйымдастырушыларға алғыс айтқым келеді. Әсіресе кішкентай балалар қатысатын спорт додаларын өткізу оңай емес екенін бір кісідей білемін. Барлығы 9 партия ойнадық. Соңғы партияда қазақстандық шахматшымен бақ сынастым. Қарсыласым мықты болды. Десе де, ойынның аты ойын. Әр қатысушы турнир нәтижесіне көңілі толды деп ойлаймын. Спорт додасы Қазақстанда өткендіктен осы жақтың қатысушылары көп болды. Бірақ, Ресейден келгендер де жақсы ойын көрсетті», — деді жеңімпаз Аркадий Найдич.
Сондай-ақ басқа номинациялар бойынша жүлделі орын иеленген қатысушылар ақшалай сертификаттармен, медальдармен марапатталды, кей ойыншыларға Д. Қонаев туралы кітап тарту етілді.
Бұған дейін шахматшылардың халықаралық турнирінің ашылу салтанаты туралы жазғанбыз.
Посмотреть эту публикацию в Instagram
