Қазақстан Республикасының Мемлекеттік қызмет істері агенттігінің Алматы облысы бойынша департаментімен тұрақты түрде мемлекеттік көрсетілетін қызметтердің жасырын функцияларын анықтап, мемлекеттік көрсетілетін қызметтердің талапқа сай екені тексерілді, деп хабарлайды alataunews.kz.
Талапқа сай келген жағдайда мемлекеттік қызметтер тізбесіне кіргізу бойынша ұсыныстар әзірленіп отырады. Ондағы мақсат мемлекеттік қызметтерді көрсетудің ашықтығын және бұдан әрі қолжетімділігін арттыру.
Мысалы, 2024 жылдың қазан айында азаматтардан келіп түскен арыз-шағымдарды қарау барысында бау-бақша өсіру үшін жер телімін алу функциясы жасырын функция екені анықталды. Мемлекеттік көрсетілетін қызметтердің белгілері болғандықтан, аталған функцияны қазіргі уақытта, мемлекеттік қызметтер тізбесіне енгізу бойынша ұсыным әзірленіп, жұмыстар жүргізілуде.
