2024 жылғы 24 қазанда Мемлекет басшысы Қасым-Жомарт Тоқаев Қазанда өткен БРИКС мемлекет басшыларының XVI саммитінде сөз сөйлеп, ұйымның жаһандық тартылыс орталығы ретінде рөлін атап өтті. Ол БРИКС-тің ортақ гүлдену мен өзара құрметке негізделген болашағын қолдайтынын мәлімдеді, деп хабарлайды alataunews.kz.
Президент БРИКС-тің көпжақты ынтымақтастығы БҰҰ қызметін толықтыратынын және Қазақстан үшін бұл ұйымға мүше елдермен достық қарым-қатынас маңызды екенін айтты. Сондай-ақ Тоқаев Қазақстанның Ресейдің Еуразиядағы қауіпсіздік тұжырымдамасын және Қытайдың халықаралық тұрақтылық пен бейбітшілік бастамаларын қолдайтынын жеткізді.
Ол Таяу Шығыстағы жағдай мен жаһандық оңтүстік елдерінің үнін есту қажеттілігін атап өтіп, БҰҰ Қауіпсіздік Кеңесінің реформасын қолдайтынын айтты.