Болжам бойынша, генерал-майор өз-өзіне қол жұмсаған.
«Тергеумен қамауға алынған Жайлаубек Халықұлын таңғы сағат 7:00-де бекет бақылаушысы көрген. Мекеменің кезекшісі дереу алғашқы медициналық көмек көрсеткен. Қабылданған шараларға қарамастан, оны құтқару мүмкін болмады. Оқиға орнына келген жедел жәрдем бригадасы механикалық асфиксия нәтижесінде қайтыс болғанын анықтады», — делінген қылмыстық-атқару жүйесі комитетінің хабарламасында.
Оқиға орнына жедел-тергеу тобы, прокуратура өкілдері мен облыстық ҚАЖД басшылығы келді. Сондағы ұсталушы адамдармен әңгіме жүргізілді.
Тергеу нәтижесінде қамауға алынған адамға қатысты заңсыз іс-әрекеттер фактілері анықталған жоқ. Қазір қызметтік тексеру жүргізіліп жатыр, оның нәтижелері бойынша қолданыстағы заңнамаға сәйкес шаралар қабылданатын болады, деп атап өтті ҚАЖК-де.
Айта кетейік, Жайлаубек Халықұлы 2009-2016 жылдары Алматы және Ақмола облыстарының полиция департаменттерін басқарды.Полиция қызметкері 23 мамырда ұсталды. Ол қылмыстық істі тоқтатқаны үшін белгілі бір азаматтан ақша мен мүлікті алаяқтық жолмен алды деген күдікпен қамауға алынды.
