Қазақстан Республикасы Мемлекеттік қызмет істері агенттігінің Алматы облысы бойынша департаменті (бұдан әрі-Департамент) Іле ауданы Ащыбұлақ ауылдық округі әкімі аппаратының «Сауда-саттықты (аукциондарды) өткізуді талап етпейтін мемлекеттік меншіктегі жер учаскелеріне құқықтарды сатып алу» мемлекеттік қызметін көрсетуден негізсіз бас тартуы туралы шағымды қарады.
«Мемлекеттік көрсетілетін қызметтер туралы» Қазақстан Республикасы Заңының 7-бабының 2-тармағына сәйкес уәкілетті орган, яғни Департамент мемлекеттік көрсетілетін қызметтердің сапасына мемлекеттік бақылауды жүзеге асырады, талдау және мониторинг негізінде бұзушылықтарды көрсету кезінде олардың алдын алуға және көрсетілетін қызметті алушылардың құқықтары мен заңды мүдделерін қамтамасыз етуге бағытталған ұсыныстар әзірлейді.
Шағымда Іле ауданының жер комиссиясының қорытындысы негізінде қабылданған мемлекеттік қызмет көрсетуден бас тартудың негізсіздігі көрсетілген.
Департамент лауазымды тұлғалардың түсіндірмелерін сұратып, іске қатысты қажетті материалдарды Жер кодексінің нормаларына, мемлекеттік қызмет көрсету қағидаларына сәйкестігін зерделеді.
Әкімшілік органдар әкімшілік істі дұрыс қарау үшін маңызы бар мән-жайлардың шеңберін дұрыс анықтамағаны және шағымданған мемлекеттік қызмет көрсетуден бас тарту негізсіз болып табылғаны анықталды.
Департаменттің әрекет етуінен кейін Қазақстан Республикасы Әкімшілік рәсімдік-процестік кодексінің 14-бабына сәйкес, сондай-ақ Кодекстің 100-бабы 2-бөлігінің 2-абзацына сәйкес бұзушылықтар жойылды және көрсетілетін қызметті алушының бұзылған құқықтары қалпына келтірілді.
