Қазақстанда ішкі сауда ережелеріне өзгерістер енгізу жоспарлануда. Ұсынылған өзгерістерге сәйкес, кафелер мен мейрамханаларда келушілерден шайпұл мен депозиттер алуға тыйым салынуы мүмкін, деп хабарлайды alataunews.kz.
Бұл туралы Сенат отырысында сауда және интеграция министрі Арман Шаққалиев мәлімдеді.
«Біз заңнаманы мұқият зерттедік. Егер мекеменің кіреберісінде жария оферта, қызмет көрсету шарттары көрсетілген жазбаша мәтін болса және сіз осы офертаны оқығаннан кейін кірсеңіз. Онда сіз осы шарттарға келісім бересіз. Мен инсайдты аздап айтайын: біз қазір Ішкі сауда ережелеріне өзгерістер дайындап жатырмыз. Егер Сіз мекемеде отырсаңыз қызмет ету негізгі қызметке кіреді. Ол үшін қосымша ақы алынбауы керек деп санаймыз», — деді министр.
Шәкқалиевтің айтуынша, бизнестің бір бөлігі мұндай өзгерістерді қолдағысы келмейді.
«Әрине, мұндай өзгерістерді қолдауға бәрі бірдей дайын емес, дегенмен біз оларды дайындаймыз. Бұл кеңестерді, түрлі жарналарды мәжбүрлеп төлеуге қатысты», — деп толықтырды министр.
