Анар Бурашева әлемдегі ең биік шыңды бағындырған алғашқы қазақ қызы болды.
«8 мың метр биіктіктегі дауыл мен боран сынды ауа-райының қолайсыздығынан шыңды бағындыруға аттанғандардың көбі артқа қайтты. Тек бес елдің ғана альпинисіне Эверестке сәтті шығу бұйырды», — деп атап өтті Kazakh Everest Team өкілдері.
Экспедицияны жер шарындағы 8 мың метр биіктегі барлық 14 шыңды бағындырған атақты альпинист Мақсұт Жұмаев басқарды.
Kazakh Everest Team мәліметінше, қазіргі уақытта, Анар мен Мақсұт IV Лагерьде (8 000 м.) төмен түсу үшін күш-қуатын қалпына келтіріп жатыр. Альпинистердің жағдайы қанағаттанарлық, бірақ күші сарқылып, базалық лагерьге түсу үшін біраз жинақталуы керек екен.
