Мәжіліс депутаты Елнұр Бейсенбаев пленарлық отырыста заң жобаларын талқылау екі жылға жуық уақытқа созылғанын, тек Үкіметтің қорытындысын алуға 1,5 жыл кеткенін атап өтті.
Осылайша, депутаттар үйлердің, ғимараттардың, көлік құралдарының қасбеттеріндегі букмекерлік кеңселер мен казинолардың жарнамасына барынша шектеу қоюды ұсынады. Сондай-ақ интернет-ресурстарда, ресми сайттарда, телеарналар мен радиода, мерзімді баспа басылымдарында, кинода, блогерлерде және әлеуметтік желілердегі басқа да тұлғаларда жарнамаға толық тыйым салуды қолдайды.
«Ешқандай танымал блогер немесе белгілі азамат әлеуметтік желілер арқылы букмекерлік кеңселер мен казиноларды жарнамалай алмайды. Олардың мұндай құқығы болмайды. Ол үшін ӘҚБтК-ге арнайы норма енгізіледі және 60 АЕК (221 520 теңге) мөлшерінде айыппұл көзделеді. Мүмкін спорттық іс – шараларға блогерлер қатысатын шығар, бірақ олардың барлығы букмекерлік кеңселерді жарнамалау құқығынан айырылатын болады», — деп атап өтті Елнұр Бейсенбаев.
Сондай-ақ, құмар ойындарға қатысуға жас шектеуі артады. Енді кем дегенде 25 жастағы адамдар ғана ұтыс тіге алады. Ал заңды тұлғалар және 25 жасқа дейінгі азаматтар құмар ойындарға қатысқаны үшін қомақты сомаға айыппұл салынады және қайталанған жағдайда олардың лицензиялары тоқтатылады.
