«Баланың тууын мемлекеттік тіркеуге өтінішті оның ата-аналары баланың дүниеге келген күнінен бастап үш жұмыс күнінен кешіктірмей берулері тиіс. Егер ата-анасы қандай да бір себептермен нәрестені тіркей алмаса, бұл миссияны басқа туыстары, қамқоршылары немесе бала туылған кезде анасы болған медициналық ұйымның әкімшілігі өздеріне алулары керек. Өтінішті республика аумағындағы кез келген ХҚКО-дан немесе онлайн жолдауға болады», – деп нақтылады “Азаматтарға арналған үкімет” мемлекеттік корпорациясы КЕАҚ Алматы облысы бойынша филиалы.
Өтінішке өтініш берушінің жеке басын куәландыратын құжат, егер некеде болса, ата-анасының некеге тұру туралы куәлігінің көшірмесі қоса беріледі. Егер тіркеуге қызметті алушының өкілі жүгінсе, нотариалды куәландырылған сенімхаты да қажет.
Егер өтініш ХҚКО арқылы берілсе, онда баланың тууын тіркеу мерзімі бес жұмыс күнін, егер электрондық үкімет порталы арқылы жіберілсе үш күнді құрайды.
Айдосқызы Мөлдір,
«Азаматтарға арналған үкімет» мемлекеттік корпорациясы» КЕ АҚ Алматы облысы бойынша бойынша PR- менеджері
