Қайтарылған активтердің ішінде «Қазахтелеком» АҚ-ның 28,75% акциясы, «Көліктік сервис орталығы» АҚ-ның 100% акциясы, «Акмолит» ЖШС-нің 100% акциясы және басқа да компаниялардың ақшалай қаражаты мен акциялары бар. Активтердің алдын ала сомасы – шамамен 200 млрд теңге.
Бас прокуратурада экономикалық ресурстардың заңсыз шоғырлануына қарсы іс-қимыл мәселелері жөніндегі комиссияның отырысы өтті. Үкіметтің 8 мыңға жуық актілері мен сот шешімдерін, оның ішінде жекешелендіру, мемлекеттік активтерді олигополиялардың пайдасына иеліктен шығару туралы шешімдер қаралып жатыр. Олардың кейбіреуі бойынша нәтиже бар.
Мәселен сот Бас прокуратураның талап-арызын сот қанағаттандырып, «Қазақстан» шипажайын меншік құқығынан айырды. Себебі шипажай 2,6 млрд теңге несиені қайтармаған. Нәтижесінде 12 млрд теңге «Халық банкі» АҚ-ның пайдасына шешілді.
Ал шілдеде Жамбыл облысының экономикалық тергеу департаменті 697 млн теңге соммасына монополиялық табыс алуына байланысты «Қазфосфат» ЖШС басшылығына қатысты сотқа дейінгі тергеп-тексеруді бастады.
Комиссияға кіретін органдар бұрын заңға қарамастан тәркіленбей қалған ел аумағындағы объектілерге тексеру жүргізуді әрі қарай жалғастырады.
