«Аграрлық мәселелер комитеті Үкіметтің жеміс-көкөніс саласына қатысты саясатына халық барынша көп тұтынатын және қор ретінде жинайтын әрі бағасы инфляцияға елеулі әсер ететін (жылдық есеппен алғанда жаңа піскен көкөністер 28%-ға қымбаттады) көкөністің негізгі 6 түрі (картоп, пияз, сәбіз, қырыққабат, қияр, қызанақ) бойынша жүргізген талдау осы өнімдерді өндіру, өңдеу, сақтау мен өткізу процестерін тежейтін мемлекеттік саясаттағы олқылықтарды көрсетіп отыр», — деді ол.
Егізбаев атағандай, орталық мемлекеттік органдар және жергілікті атқарушы органдардың осы бағыттағы салааралық іс-әрекеттері үйлесімді болмай отыр.
«Мысалға, Экология министрлігі — сумен қамту, Энергетика министрлігі – энергия тасымалдағышарды (көмір, газ, электр энергиясы, ЖЖМ) уақтылы жеткізу және АШТӨ қолдайтын тарифтер, Сауда министрлігі – импорт және экспорт, сауда желілерімен өзара іс-қимылды ұйымдастыру мәселелері бойынша Ауыл шаруашылығы министрлігімен бірлесіп ортақ шешім қабылдамайды, әкімдіктер ӘКК-ның тиімді жұмысын және бірінші кезекте ауылда сервистік-дайындау желілерін ұйымдастыруды дұрыс жолға қоя алмауда, ал Ауыл шаруашылығы министрлігі АШТӨ-нің мүддесін қорғайтын және мемлекеттік органдардың жұмысын үйлестіретін ықпалды орган бола алмай отыр», — деді ол.
Егізбаевтың айтуынша, статисканың анық әрі дәл болмауы Үкімет қабылдаған барлық шаралардың тиімділігін жоққа шығарады.
«Бұл бүкіл ауыл шаруашылығы саласының жүйелі проблемасына айналды», — деді ол.
