«Ауданда 6,8 мың гектар немесе егістік алқаптың 23%-ын күріш алқабы құрайды (29,8 мың га). Бірақ, Іле өзеніндегі су деңгейінің төмендеуіне байланысты күріш алқабы 2014 жылмен салыстырғанда (10,1 мың га) 30%-дан астам төмендеді», — деді Марат Сұлтанғазиев.
Ал өнім өткен жылмен салыстырғанда 7%–ға азаяды деген болжам бар. (2021 жылы 31,7 мың тонна, 2022 жылы 29,6 мың тонна). Сонымен қатар, ауданның күріш өңдейтін ірі кәсіпорындары («Тамшыбұлақ күріш зауыты», өңдеу қуаты жылына 14 мың тонна шикізат және «АФ-ОТЕС күріш зауыты» қуаты 10,8 мың тонна) маусымдық, яғни егін жинау кезеңінде ғана жұмыс істейді.
«Топырақтың тұздануы ауылшаруашылығы дақылдарының өнімділігінің азаюына басты себеп. Осыған байланысты дақылдардың өнімділігі 15%-дан 85%-ға дейін төмендеуі мүмкін», — деді Марат Сұлтанғазиев.
Аталған мәселе бойынша өңір басшысы облыстық ауылшаруашылығы басқармасына аудан әкімімен өзара бірлесе отырып, қарқынды технологияларды қолдану есебінен ауылшаруашылығы дақылдарының өнімділігін арттыруды тапсырды.
