Баспасөз мәліметтеріне қарағанда, оқиға бүгін Астана уақытымен сағат 5:00 шамасында болған.
Жаңаөзен қаласындағы 2-ші шағын ауданда екі кіреберістен тұратын 12 пәтерлі 2 қабатты тұрғын үйде газ жарылған. Оқиғаның салдарынан кіреберістің 150 шаршы метрі қираған.
Өрт болған жоқ, (үйдің жалпы ауданы 600 ш.м.). Алдын ала мәлімет бойынша 11 адам зардап шеккен, олар медицина қызметкерлеріне тапсырылды. Болған оқиғаның себеп — салдары анықталып жатыр.
«Оқиға орнын аршу жұмыстарына Маңғыстау облысы Төтенше жағдайлар департаментінің 50-ден астам құтқарушы, 10 техника, жедел медициналық көмек және жергілікті атқарушы органдардың қызметкерлері жұмылдырылды», — делінген хабарламада.
Маңғыстау облысының Төтенше жағдайлар департаментінде жарылысқа байланысты жедел штаб құрылды.
Сонымен қатар апатқа байланысты жедел желі телефоны іске қосылды. Тел: 8/7292/31-90-99.
